బిగ్బాస్ తెలుగు సీజన్ 10లో 61వ రోజు ఎపిసోడ్లో ఇంటి సభ్యుల మధ్య గొడవలు, భావోద్వేగాలు, ఫ్యామిలీ వీక్ అవకాశం కోసం పోటీ ఆసక్తికరంగా సాగాయి. కెప్టెన్సీ టాస్క్లో వంశీ విజయం సాధించి కొత్త కెప్టెన్గా ఎంపికయ్యాడు. ముకేష్ కోసం వర్షిణి తన కుటుంబ సభ్యులను కలిసే అవకాశాన్ని త్యాగం చేయడం ఎపిసోడ్లో ప్రధాన ఆకర్షణగా నిలిచింది.
హౌస్లో ఆహారం వృథా చేస్తున్నారనే అంశంపై త్రిగుణ్, వర్షిణి మధ్య వాగ్వాదం జరిగింది. వర్షిణి గతంలో టీ తీసుకుని తాగకుండా వదిలేయడంతో పాటు ఆహారాన్ని వృథా చేస్తోందని త్రిగుణ్ అభ్యంతరం వ్యక్తం చేశాడు. దీంతో ఆమెకు ఉదయం టీ ఇవ్వకుండా శిక్ష విధించాడు. దీనిపై వర్షిణి ఆగ్రహం వ్యక్తం చేసింది. తనకు మాత్రమే శిక్షలు విధిస్తున్నారని, ఇతరులు చేసిన తప్పులను పట్టించుకోవడం లేదని ప్రశ్నించింది. ఈ వివాదంలో ముకేష్ కూడా వర్షిణికి మద్దతుగా నిలవడంతో త్రిగుణ్తో వాగ్వాదం మరింత పెరిగింది.
ఫ్యామిలీ వీక్ కోసం మరో అవకాశం
వచ్చే వారం జరగనున్న ఫ్యామిలీ వీక్లో తమ కుటుంబ సభ్యులను కలుసుకునేందుకు బిగ్బాస్ మరో అవకాశం కల్పించాడు. గతంలో రివెంజ్ అండ్ రివార్డ్ టాస్క్లో ఓడిపోయి కుటుంబ సభ్యులను కలిసే అవకాశాన్ని కోల్పోయిన ఆర్కే, అమన్, ముకేష్, వర్షిణికి ప్రత్యేక టాస్క్ ఇచ్చాడు. ఆర్కే, అమన్ ఒక జంటగా, ముకేష్, వర్షిణి మరో జంటగా ఏర్పడ్డారు. ఈ రెండు జంటలు పోటీపడగా గెలిచిన జంటలో ఒక్కరికి మాత్రమే కుటుంబ సభ్యులను కలిసే అవకాశం ఉంటుందని బిగ్బాస్ ప్రకటించాడు.
నరేష్ నిర్ణయంపై హౌస్లో వివాదం
ఈ టాస్క్లో ఒకరు స్టాండ్ను బ్యాలెన్స్ చేస్తుండగా, మరొకరు ఇటుకలతో ఇంటి ఆకారాన్ని నిర్మించాల్సి ఉంటుంది. నిర్ణీత సమయం పాటు ఆ నిర్మాణం నిలబడితే విజయం సాధించినట్లుగా పరిగణిస్తారు. ఈ పోటీలో ముకేష్, వర్షిణి ముందుగా తమ నిర్మాణాన్ని పూర్తి చేశారు. అయితే ఐదు సెకన్ల సమయం పూర్తికాకముందే ఇటుకల ఇల్లు కూలిపోయిందని అమన్, ఆర్కే అభ్యంతరం వ్యక్తం చేశారు.
టాస్క్కు సంచాలకుడిగా వ్యవహరించిన నరేష్ మాత్రం నిర్ణీత సమయం పూర్తయిన తర్వాతే నిర్మాణం కూలిందని పేర్కొంటూ ముకేష్, వర్షిణి జంటను విజేతలుగా ప్రకటించాడు. దీంతో అమన్, ఆర్కే అసంతృప్తి వ్యక్తం చేశారు. తన నిర్ణయం తప్పని తేలితే ఎలాంటి శిక్షకైనా సిద్ధమని నరేష్ స్పష్టం చేశాడు. ఈ వ్యవహారం హౌస్లో తీవ్ర చర్చకు దారితీసింది.
ముకేష్ కోసం వర్షిణి త్యాగం
టాస్క్లో గెలిచిన ముకేష్, వర్షిణి జంటలో కుటుంబ సభ్యులను కలిసే అవకాశం ఎవరికి ఇవ్వాలనే ప్రశ్న ఎదురైంది. ఈ సమయంలో వర్షిణి పెద్ద మనసు చాటుకుంది. తనకు వచ్చిన అవకాశాన్ని ముకేష్కు వదులుకుంది. దీంతో వచ్చే వారం ఫ్యామిలీ వీక్లో ముకేష్ తన కుటుంబ సభ్యులను కలుసుకోనున్నాడు. వర్షిణి తీసుకున్న నిర్ణయం హౌస్లో భావోద్వేగానికి దారితీసింది. తమకు అన్యాయం జరిగిందని భావించిన అమన్, ఆర్కే ఈ నిర్ణయంపై అసంతృప్తి వ్యక్తం చేశారు.
ఇంటి కొత్త కెప్టెన్ ఎంపిక కోసం బిగ్బాస్ ప్రత్యేక టాస్క్ నిర్వహించాడు. ఈ పోటీలో త్రిగుణ్, దేబ్జానీ, శ్వేత, వంశీ నిలిచారు. వీరిలో ఎవరిని కెప్టెన్గా చూడాలనుకుంటున్నారో ఇతర ఇంటి సభ్యులు దండలు వేసి తమ మద్దతు తెలియజేయాలని బిగ్బాస్ సూచించాడు. ఈ పోటీలో వంశీకి ఎక్కువ మంది సభ్యుల మద్దతు లభించింది. దీంతో అతడు తొమ్మిదో వారానికి కొత్త కెప్టెన్గా ఎంపికయ్యాడు.
