భారత చెస్ దిగ్గజం విశ్వనాథన్ ఆనంద్కు 2026 గ్లోబల్ చెస్ లీగ్లో మరో చేదు అనుభవం ఎదురైంది. టోర్నీలో నాలుగో రోజు ఆయన రెండు పరాజయాలను చవిచూశారు. ముఖ్యంగా 20 ఏళ్ల ఉజ్బెకిస్థాన్ గ్రాండ్మాస్టర్ జవోఖిర్ సిందరోవ్ తో జరిగిన మ్యాచ్ లో నాటకీయ పరిణామాల మధ్య ఆనంద్ ఓటమి పాలయ్యారు.
డ్రాను తిరస్కరించి.. సమయం ముగిసి ఓడిన ఆనంద్ 20 ఏళ్ల సిందరోవ్ చేతిలో భారత చెస్ దిగ్గజానికి అనూహ్య పరాజయం బెంగళూరు: భారత చెస్ దిగ్గజం, ఐదుసార్లు ప్రపంచ ఛాంపియన్గా నిలిచిన విశ్వనాథన్ ఆనంద్కు 2026 గ్లోబల్ చెస్ లీగ్లో మరో చేదు అనుభవం ఎదురైంది. టోర్నీలో నాలుగో రోజు ఆనంద్ రెండు పరాజయాలను చవిచూశారు. ముఖ్యంగా 20 ఏళ్ల ఉజ్బెకిస్థాన్ గ్రాండ్మాస్టర్ జవోఖిర్ సిందరోవ్తో జరిగిన మ్యాచ్లో నాటకీయ పరిణామాల మధ్య ఆనంద్ ఓటమి పాలయ్యారు. సిందరోవ్ డ్రాకు అవకాశం ఇచ్చినప్పటికీ ఆనంద్ దానిని తిరస్కరించి ఆటను కొనసాగించారు. అయితే చివరికి ఇద్దరు ఆటగాళ్ల వద్ద సమయం కేవలం కొన్ని సెకన్లకు పడిపోయింది. ఈ సమయంలో ఆనంద్ గడియారం ఆగిపోవడంతో సమయం ముగిసిన కారణంగా ( ) మ్యాచ్ను కోల్పోయారు. దీంతో విజయం సిందరోవ్ ఖాతాలోకి వెళ్లింది. ఆనంద్కు ఇది మరింత బాధాకరమైన ఓటమిగా మారింది. వేగవంతమైన చెస్లో బోర్డుపై వ్యూహంతో పాటు సమయ నిర్వహణ కూడా ఎంత కీలకమో ఈ మ్యాచ్ మరోసారి చూపించింది. అంతకుముందు కూడా గ్లోబల్ చెస్ లీగ్లో ఆనంద్ ప్రపంచ నంబర్ వన్ మాగ్నస్ కార్ల్సన్తో జరిగిన మ్యాచ్లో సమయం ముగియడంతో ఓడిపోయారు. అయితే ఆనంద్పై విజయం సాధించిన సిందరోవ్ మాత్రం భారత దిగ్గజంపై ఎంతో గౌరవం వ్యక్తం చేశాడు. ఆనంద్ను వరల్డ్ క్లాస్ ప్లేయర్గా అభివర్ణిస్తూ, ఆయనతో ఆడటం ప్రత్యేకమైన అనుభవమని పేర్కొన్నాడు. 20 ఏళ్ల వయసులోనే ప్రపంచ స్థాయి ఆటగాళ్లతో పోటీ పడుతున్న సిందరోవ్ ప్రస్తుతం అత్యుత్తమ ఫామ్లో ఉన్న ఆటగాళ్లలో ఒకరిగా నిలుస్తున్నాడు. గ్లోబల్ చెస్ లీగ్లో ఆనంద్కు ఆరంభం ఆశించిన స్థాయిలో సాగకపోయినా, ఆయన అనుభవం, ప్రతిభపై చెస్ ప్రపంచంలో గౌరవం మాత్రం ఏమాత్రం తగ్గలేదు. మరోవైపు సిందరోవ్ ప్రదర్శన భవిష్యత్ ప్రపంచ ఛాంపియన్షిప్పై ఆసక్తిని మరింత పెంచుతోంది. 2026లో డి. గుకేశ్తో జరగనున్న ప్రపంచ ఛాంపియన్షిప్ పోరుకు సిందరోవ్ ఇప్పటికే అద్భుతమైన ఫామ్తో సిద్ధమవుతున్నాడు.
