హనుమకొండలో అక్రమ నిర్మాణాలపై అధికారులు ఉక్కుపాదం

గ్రేటర్ వరంగల్ కార్పొరేషన్, రెవెన్యూ, పోలీస్ శాఖల ఆధ్వర్యంలో సంయుక్తంగా ఈ కూల్చివేతల కార్యక్రమం చేపట్టారు. సీపీఐ నాయకుల ఆధ్వర్యంలో పేదల కోసం నిర్మించిన గుడిసెలను కూడా తొలగిస్తుండటంతో స్థానికులు తీవ్రంగా ప్రతిఘటించారు.

స్థానికులు అడ్డుకునే ప్రయత్నం చేయడంతో పోలీసులు వారిని అదుపులోకి తీసుకున్నారు. భారీ జేసీబీలతో అక్రమ కట్టడాలను నేలమట్టం చేశారు. ఈ ప్రక్రియను పటిష్టమైన పోలీస్ బందోబస్తు మధ్య కొనసాగిస్తున్నారు.

ప్రభుత్వ భూములను ఆక్రమించి నిర్మించిన నిర్మాణాలపై అధికారులు చర్యలు తీసుకుంటున్నారని, చట్ట ప్రకారం నిబంధనలు ఉల్లంఘించిన వారిపై కఠిన చర్యలు తప్పవని అధికారులు తెలిపారు. ఈ సంఘటనతో ఆ ప్రాంతంలో ఉద్రిక్త వాతావరణం నెలకొంది.